AF222a: 45v

fāʾide burun qanı diñmese ol qan‑ile alnına yazalar bi‑iẕni llāhi diñe // şām kām ḥām nām budur yazılıcaq //

maʿcūn anduz dirhem 30 çörek otı m 10 maṣṭakī m 10 egir m 10 şehdāne günlük m 10 ardıç toḫmı m 10 // çöb‑i Çīnī m 4 rāvend‑i Çīnī m 20 ṣapārina m 100 bu cümle eczāʾı ayruca muḥkem saḥq ėdüb // ince elekden geçüresin üc eczā qadar balı muṣaffāʾı qıvāma getüresin ve eleşdükde eczāʾı // içine qoyasın vaqt‑i ḥācetde cevz‑i Rūmī qadar ṣabāḥ ve aḥşam istiʿmāl ėdesin // selesü l‑bevle ve bėl aġrısına ve öksürüge ve bevāṣıra [!] ve iç aġrısına ve yürek aġrısına ve ishāle // ve çiçek zaḥmetine ve istisqāya ve ıssıdan olan zaḥmetlere ve elde ve ayaqda olan ṭuzlu balġama // ve küçük oġlançıqlara qarnı şişinden anası yėse defʿ ola bu cümle emrāża şifādur ġaflet // olınmaya //

fāʾide aq ṣoġan ṣuʾı yüz dirhem revāq ʿasel daḫı 200 dirhem alub ḫalṭ // eyle pişürüp tā ṣuʾı gidinçe baʿdehū her gėçe yatacaq vaqtinde birer qaşıq istiʿmāl // ėde ʿacāyib göresin * fāʾide bevāṣır [!] içün nāfiʿdür on on beş yıldan mübtelā olan // kimesne dilkü ödin ala bir iki defʿa sigilleri üzerine süre bi‑iẕni llāhi taʿālā quruya nevʿ‑i dīger // bevāṣır [!] içün köpek başını yaqup kül ėdüp ol küli sigilleri üzerine ṣaça bir qaç // defʿa böyle ėde bi‑iẕni llāhi defʿ ola * nevʿ‑i dīger bevāṣır [!] içün qırmızı qaṭrānı on defʿa // pāk ṣudan geçüre tā kim beyāż ola baʿdehū bir miqdār noḫud unı [!] ve qaranfil ve zencebīl ve maṣṭakī // her birinden birer dirhem alub muḥkem dögüb elekden geçüre bal ile qıvāma getürüb ḥall ėde // ṣabāḥ ve aḫşam noḫuddan [!] büyük istiʿmāl ėde * fāʾide Eflāṭūn ḥekīm eyidür her kim nergis // yaġını ẕekerine sürse ġāyet qavī ola meşhūr * fāʾide ʿulemādan menqūldur ki biri // tāzeliginden orta yaşlı bir ʿavret alub ʿavretüñ murādı oġul qız iken rücūlīyeti olmamaġla // niçe zamān ʿavret ile bile olub lākin cimāʿa qudreti olmayıcaq ʿavret bunuñ yüzine